|
Spurningurin um at innrætta skattaskipanina so vakstrarfremjandi sum gjørligt hevur verið raðfestur rættuliga høgt í flestu OECD-londunum seinastu 30 árini, og nógvar skattabroytingar eru framdar í fleiri av londunum. OECD hevur í hesum sambandi gjørt ymiskt kanningararbeiði og í hesum riti verður í stuttum hugt nærri at nøkrum av hesum høvuðsúrslitum.
Í roynd at stimbra búskapin, hava flestu OECD-londini framt munandi broytingar á skattaøkinum. Seinastu 30 árini hava nógv lond valt at lækka skattin á arbeiði, har eitt nú toppskatturin er fallin munandi í flestu londunum. Eisini partafelagsskatturin er lækkaður nógv í flestu OECD-londunum. Hesar broytingar eru í stóran mun framdar við hægri búskaparvøkstri fyri eyga, tá kanningar hava víst, at ov høgir lønar- og partafelagsskattir hava neiligt árin á langtíðar búskaparvøkstur. Sum heild verður mælt til í størri mun at velja skattingarhættir, ið ikki reingja tær avgerðir, sum einstaklingar og fyritøkur taka viðvíkjandi arbeiði og framleiðslu.
Ritið kann takast niður her og liggur eisini undir útgávur.
|
landsbankin.fo | VTal: 382809